Kryetari i radhës së OSBE-së dhe ministri i Punëve të Jashtme dhe Europiane të Republikës Sllovake, Miroslav Lajčák, thotë se protestat e dhunshme eliminojnë shanset për dialog. Gjatë një konference të përbashkët shtypi me homologun Gent Cakaj, Lajčák tha se dallimet mes palëve duhen debatuar në Parlament, ndërsa protestat e dhunshme në Shqipëri janë bërë të mërzitshme.
“Dëshiroj të theksoj se institucionet e forta me një parlament efikas janë gurët themelorë të demokracisë dhe janë të qenësishëm për stabilitetin e shtetit ligjor. Nxis aktorët politikë të angazhohen në forcimin e këtyre institucioneve. Protestat paqësore janë një e drejtë themelore që duhen respektuar. Dallimet duhet të debatohen në Parlament nga të gjithë përfaqësuesit, përfshirë dhe opozitën. Përshkallëzimi i dhunës gjatë disa protestave të drejtuara nga opozita është bërë i mërzitshëm. Trazirat nuk duhet të zëvendësojnë angazhimin demokratik, përkundrazi ato heqin çdo shans për dialog", tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
