Një kapele e Napoleonit I, dykorni i famshëm i zi me një stemë blu, të bardhë dhe të kuqe, u shit për gati dy milionë euro, më konkretisht 1 milion e 932 mijë euro, në një ankand që tejkaloi shumë vlerësimet e ankandeve të shtëpisë “Osenat”.
Kjo shitje tërhoqi koleksionistë nga e gjithë bota dhe ngjalli entuziazëm të madh, njoftoi shtëpia e ankandeve “Osenat”, e cila theu rekordin e saj të vitit 2014, ku kishte shitur një kapelë të Napoleonit për 1 milionë e 884 mijë euro.
Kapelja e fundit, e cila daton që nga viti 1810, u bë simbol i Napoleon Bonapartit.
Kjo kapele u krijua nga Pierre-Quentin-Joseph Baillon, gëzofës i perandorit që nga viti 1806. Ajo mbeti në familje deri në fund të shekullit të 19-të.
Nipi i tij ia shiti tregtarit të antikeve të Dijonit, Charles Meyer dhe përfundoi në koleksionin e Paul Senes.
E blerë më pas nga Jean Brunon në vitin 1928, së pari shkoi te djali i tij Raoul, pastaj te Jean-i tjetër. Përfundimisht kapelja përfundoi në ankand nga koleksioni i Jean-Louis Noisez, një industrialist francez dhe entuziast i pasur i Bonapartit, i cili vdiq në vitin 2022.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
