Presidenti i Venezuelës, Nicolas Maduro akuzoi të hënën Izraelin se po kryen gjenocid kundër palestinezëve, pasi qeveria izraelite njoftoi vendosjen e një “rrethimi total” në Rripin e Gazës, duke iu referuar një deklarate të sekretarit të përgjithshëm të OKB-së, nga Antonio Guterres .
“Sekretari i Përgjithshëm i OKB-së lëshoi një deklaratë që ne e lexuam me kujdes, një deklaratë alarmi përballë gjenocidit që filloi kundër popullit palestinez në Gaza,” tha Maduro në televizionin shtetëror.
Duke pranuar “shqetësimet legjitime të sigurisë” të Izraelit, Antonio Guterres tha se ishte “thellësisht i shqetësuar”, pas njoftimit për vendosjen e një rrethimi total në Rripin e Gazës.
Në të kaluarën ne kemi parë masakra, masakra barbare, kundër popullit palestinez. Palestinezët po përjetojnë një “aparteid të ri”.
Ne kërkojmë një armëpushim, kërkojmë që të zbatohen rezolutat e Kombeve të Bashkuara, kërkojmë që të respektohen të drejtat e njeriut dhe kërkojmë që negociatat e paqes të fillojnë menjëherë për të rivendosur të drejtat historike të popullit palestinez për pavarësi, për tokë dhe për paqe.
Unë mbroj popullin palestinez, mbroj paqen.
Hamasi nisi një sulm masiv dhe të befasishëm ndaj Izraelit të shtunën, duke shkaktuar një shpërthim lufte prej të cilët janë vrarë më shumë se 1600 persona në më pak se 72 orë, sipas numërimeve zyrtare nga të dyja palët.
Lëvizja islamike palestineze kërcënoi të hënën se do të ekzekutonte pengjet izraelite në përgjigje të sulmeve ajrore të shtuara të Izraelit në Gaza.
Në vitin 2009, paraardhësi i Nicolas Maduro, i ndjeri Hugo Chavez, akuzonte Izraelin për kryerjen e “gjenocidit” në Rripin e Gazës, pas operacioneve ushtarake në shkallë të gjerë të nisura në fund të vitit 2008.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
