Në Borsh banorët janë në pritje të inspektorëve të Kadastrës për të rinisur tentativën e tretë të regjistrimit të pronave, por pa rezultat.
Gjatë prezantimit të këtij procesi, kreu i Kadastrës, Artan Lame, nuk e përmendi këtë vijë bregdetare si pjesë të procesit.
Kryeplaku i Borshit, Ritvan Hajdini, në një intervistë telefonike për TVT tha se asnjë nga inspektorët e Kadastrës nuk është dukur për të kryer regjistrime, dhe kjo sipas tij ndodh për shkak të interesave të mëdha që luhen në këtë zonë.
Hajdini thotë se gjatë ndarjes së pronave nuk ka pasur një komision të posaçëm për këtë zonë, çka ka sjellë edhe përplasje mes banorëve.
Tentativa e tretë për regjistrimin e pronave synon të përfshijë rreth 16 mijë e 500 prona private dhe 5200 prona shtetërore.
Ndërsa parashikohet që të zgjidhet çështja e pronësisë për rreth 8000 banorë në Jug.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
