Kreu i Partisë Demokratike, Lulzim Basha, ka zhvilluar një takim me të rinjtë e degës 2 në Tiranë. Basha i ftoi qytetarët të bëhen pjesë e protestës që PD-ja ka paralajmëruar për në 18 shkurt. Duke akuzuar qeverinë se persekutuar rininë, Basha tha se është koha që njerëzit të marrin në duar fatin e tyre, duke sjellë shembullin e protestave në Rumani.
“Kur ngrihen qytetarët, kur ngrihet rinia nuk ka qeveri të korruptuar dhe të inkriminuar t’i bëjë ballë. E pamë në Rumani, tani është radha e shqiptarëve të ngrihen të ngrihen kundër papunësisë, varfërisë, kundër shëndetësisë së kolapsuar, arsimit në ditën më të zezë, kundër diskriminimit të rinisë që i është lënë emigracioni rruga e vetme. Kriminelët bëhen deputetë, kryetarë bashkish, bëjnë para dhe kantandi, ndërsa rinia dhe intelektualët marrin rrugët. Kjo duhet të marrë fund, këtë e ka në dorë rinia. Me 18 shkurt të ngrihemi të gjithë bashkë për zgjedhje të lira dhe të ndershme, që pushteti t’u kthehet njëherë e mirë qytetarëve”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
