Në një raportim nga Durrësi, ku Ervin Salianji zhvilloi sot foltoren e parë, korrespondentja Ervina Garo vë në dukje për edicionin e lajmeve në Mcn Tv pjesëmarrjen e lartë, praninë e të rinjve, si dhe dy ish-kryetarëve të degës së selisë blu në qytetin bregdetar.
“Takimi i Ervin Salianjit është zhvilluar në ambientet e qendrës kulturore të fëmijëve në Durrës. Një takim që ka bërë bashkë edhe Ilir Alimehmetin, Aulon Kalanë, por edhe dy ish-kryetarët e degës së selisë blu të qytetit bregdetar Luan Hoti dhe Dritan Burgia, ky i fundit është edhe kryetari këshilltarëve bashkiakë. Ka pasur pjesëmarrje të lartë dhe kanë dominuar të rinjtë. Të gjithë bashkë kanë pasur si kryefjalë ndryshimin e PD-së. Një rizgjim e ka cilësuar ai këtë takim të parë në Durrës. Është një takim i ndarë në dy pjesë. Pjesa e parë ka qenë me media, ndërsa pjesa e dytë është pa media”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
