Ricky Martin lirohet nga akuzat për incest dhe dhunë ndaj nipit të tij

Ishte e dhimbshme. Ishte shkatërruese për mua, për familjen time dhe për miqtë e mi. Nuk ia uroj këtë askujt.

Me këto fjalë Ricky Martin theu heshtjen pasi gjykata e Porto Rikos pushoi çështjen e tij.

Këngëtari ishte akuzuar për përndjekje dhe dhunë në familje nga nipi, Eric Martin, djali i vëllait të tij. 

Por përballë gjyqtarëve, 22-vjeçari me probleme mendore ka tërhequr denoncimin dhe akuzat kanë rënë.

Për dy javë, ylli i popit portorikan përfundoi në sferën e drejtësisë, e akuzuar nga nipi i tij se e përndiqte.

Djali kishte arritur të merrte një urdhër mbrojtjeje ndaj Martinit, duke e akuzuar se kishte pasur një lidhje prej shtatë muajsh me të, pas së cilës këngëtari do ta kishte ndjekur dhe ngacmuar me telefon. 

Duke marrë parasysh lidhjen farefisnore, Ricky Martin u akuzua gjithashtu për incest, i cili në Porto Riko dënohet me burg. 

Menjëherë në mbrojtje të këngëtarit ka dalë vëllai I ti, babai I 22-vjeçarit që ngriti akuzat e rënda duke i shpjeguar prokurorit problemet mendore nga të cilat vuan i riu. 

Nipi e tërhoqi ankesën dhe gjyqtarët pushuan gjykimin. 

Ricky Martin, megjithatë, u godit rëndë nga ngjarja:

Do të doja që ai të gjente ndihmë që të mund të fillonte një jetë të re plot dashuri dhe gëzim dhe që të mos e bëjë këtë. Tani, prioriteti im është të shërohem .