Stafi i termocentralit bërthamor të Çernobilit është ndërruar për herë të parë në tre javë, tha të dielën mbikëqyrësi bërthamor i OKB-së, duke cituar autoritetet ukrainase.
Agjencia Ndërkombëtare e Energjisë Atomike (IAEA) tha se ndërrimi ishte i rëndësishëm për funksionimin e sigurt të termocentralit të Çernobilit, i cili u kontrollua nga ushtria ruse për pesë javë derisa ata u tërhoqën më 31 mars, ku lanë një pjesë të pajisjeve të shkatërruara.
Drejtori i përgjithshëm i IAEA, Rafael Mariano Grossi, deklaroi se laboratorët analitikë të uzinës për monitorimin e rrezatimit u shkatërruan dhe instrumentet analitike u vodhën, thyen ose u çaktivizuan.
Është shumë pozitiv fakti që autoritetet ukrainase po rivendosin gradualisht kontrollin rregullator në Çernobilit, por është e qartë se mbetet shumë punë për ta kthyer vendin në normalitet.
Më 31 mars, trupat ruse njoftuan tërheqjen e tyre nga Çernobili dhe ia dorëzuan kontrollin personelit ukrainas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
