Dhjetë biznesmenë në qarkun e Shkodrës kanë përfudnuar në polici dhe janë ndjekur penalisht për vjedhje të energjisë elektrike, gjatë aksioneve të Task Forcës së OSHEE-së.
Vetëm në 5 ditë aksione, duke nisur nga Shëngjini, Lezha dhe fshatrat përreth, pastaj në Velipojë dhe brenda në Shkodër, janë proceduar në polici të paktën 10 raste abonentësh privatë, të cilët kishin ndërhyrë në matës, duke paguar deri ne 65% më pak energji elektrike nga sa konsumonin, bëëjnë me dije burime zyrtare nga OSHEE.
Kështu, tre subjekte private në fushën e hotelerisë në zonën e Velipojë kanë përfunduar në polici, për shkak të “manovrave” që kishin bërë më matësin e enrgjisë.
Ata janë: P.C., A.F. dhe P.G..
Të tjerë abonentë privatë nuk i kanë shpëtuar kontrolleve të Task Forcës Shkodër, si
- A.M .,pronar kompleks kalçeto në Shëngjin,
- D.J pronar supermaketi në zonën e plazhit Pulaj Velipojë,
- Gj.N dhe A.P në fushën e supermarketeve (nuk kishin kontratë me OSHEE).
- Subjekti “A.N.K sh.p.k” në fushën e përpunimit të gurit/zhavorr (lavatriçe),
- “B.P. 2010”, kompleks shërbimesh në Zadrimë, si dhe
- F.L., pronar i katër subjekteve në Shkodër.
Edhe pse në fokus të kontrolleve kanë qenë subjektet private, gjatë aksioneve, probleme me ligjin kanë patur edhe abonentët familjarë, për cenim të matësit, apo lidhje të paligjshme.
Abonentët nga Shkodra me inicialet L.L, N.K, P.P, kishin ndërhyrë në matës duke paguar 43% më pak energji se sa konsumonin, si dhe kishin kryer lidhje të paligjshme.
Aksioni po vijon ende, ku priten të tjera shoqërime në polici, shtojnë të njëjtat burime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
