Putin: Moska 'ka të drejtë' të godasë shtetet, armët e të cilave Ukraina i përdor për të goditur Rusinë

<p>Presidenti rus, Vladimir Putin, njoftoi të enjten se Moska ka testuar një raketë të re me rreze të mesme veprimi në një sulm ndaj Ukrainës dhe ai paralajmëroi se ajo mund ta përdorë armën kundër vendeve që e kanë lejuar Kievin të përdorë raketat e tyre për të goditur Rusinë.</p> <p>Sulmi rus në qytetin qendror të Ukrainës, Dnipro, të enjten erdhi si përgjigje ndaj sulmeve ukrainase në tokën ruse këtë javë që përdorën raketa amerikane dhe britanike me rreze më të gjatë veprimi, tha Putin gjatë një fjalimi televiziv mbarëkombëtar.</p> <p>Putin deklaroi se Rusia do të lëshonte paralajmërime paraprake nëse nis sulme me raketa të tilla kundër Ukrainës për të lejuar civilët të evakuohen në vend të sigurt. Dhe ai paralajmëroi se sistemet e mbrojtjes ajrore të SHBA-së nuk do të jenë në gjendje të kapin raketat ruse.</p> <p>Putin tha se sulmi në Dnipro goditi një fabrikë raketash një raketë të re të quajtur "Oreshnik", një fjalë ruse që do të thotë "lajthi".</p> <p>“Ne besojmë se kemi të drejtë të përdorim armët tona kundër objekteve ushtarake të vendeve që lejojnë përdorimin e armëve të tyre kundër objekteve tona”, tha ai. “Dhe në rast të përshkallëzimit të veprimeve agresive, ne do të përgjigjemi me vendosmëri në të njëjtën mënyrë”.</p>