Vdes nga kanceri në moshën 55-vjeçare reperi Kangol Kid

Kangol Kid, anëtari i grupit hip-hop të New York UTFO, vdiq të shtunën në moshën 55-vjeçare pas një beteje me kancerin e zorrës së trashë.

Reperi i lindur në Brooklyn, emri i vërtetë i të cilit është Shaun Shiller Fequiere, vdiq në paqe rreth orës 3 të mëngjesit të së shtunës në një spital në Manhasset, Nju Jork, 10 muaj pasi u diagnostikua, sipas një deklarate nga familja e tij. 

Si një nga katër anëtarët e UTFO, ose ‘Organizata e Forcave të Paprekshme’, Kid la gjurmë në ditët e para të hip-hop-it komercial me hitet e viteve 1980 si "Roxanne, Roxanne" dhe "Ya Cold Wanna Be With Me".

I njohur për veshjet e tij Kid ishte gjithashtu i njohur për ndihmën në rritjen e ndërgjegjësimit për kancerin para dhe pas diagnozës së tij të kancerit përmes Fondacionit Mama Luke.