Deputeti i PD-së Sajmir Korreshi tha përmes një lidhje “Skype” me studion e MCN Live se komisioni hetimor për “Sterilizimin” ka prodhuar një mori shkresash për të cilat SPAK do vihet në dijeni.
Sipas Korreshit, Beqaj do thirret sërish për koncesione të tjera megjithëse shtoi se ai ka pasur mbrojtje nga Rama.
Një mori letrash të përkthyera në shkresa pafund, për të cilat mendoj që edhe SPAK-u nuk është në dijeni, do bëhen pjesë e raportit. Nëse nuk bihet dakord për raport, do bëhen pjesë e kallëzimit, apo për ta informuar më tej Prokurorinë e Posaçme mbi dokumentacionin, mbi mënyrat ose nënkontraktimet të shumta të evadimit të taksave nga koncesionarët apo moskryerjen e veprimeve të shumta. Këta kanë përfituar edhe nga buxheti i shtetit duke mos paguar ujë dhe drita si dhe duke përdorur dhe buxhetin e shtetit.
Do të ishte mirë një shtyrje afatit të saj, por besoj Beqaj do thirret dhe për dy koncesionet e tjera në mjekësi se ka qenë palë. Do ta kenë mundësinë dhe dëshirën për t’u përballur me komisionet ashtu siç duhet të përballet me SPAK . Ka pasur një koperturë nga Rama duke ditur potencën dhe atë çfarë të jep të qenurit kryeministër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
