Kongresi Studentor ka mbajtur një deklaratë për mediat para Ministrisë së Arsimit ku ka renditur të gjitha problematikat në të cilat është zhytur sistemi arsimor në vendit tonë.
Kolindo Vjerdha, i shoqëruar nga disa studentë tha për mediat se MAS e ka zhytur në krizë arsimin në vend dhe se indiferentizmi i këtyre zyrave është kthyer në praktikë.
MAS e ka zhytur në krizë arsimin në vend. Jo vetëm që ka refuzuar çdo tryezë në të cilën e kemi ftuar për të diskutuar me fakte mbi situatën e arsimit, po as s’ka denjuar të mbajë qëndrim dhe reagimi. Indiferentizmi i këtyre zyrave është kthyer në praktikë.
Kemi në krizë kërkimin shkencor me 6 kërkime për 100 mijë banorë.
Krizë në degët prioritare ku 41% e tyre rrezikojnë të mbyllen. 30% e degëve në universitetet e vendit rrezikojnë të mbyllen se kanë më pak se 10 studentë të regjistruar.
Sot rektorët e disa universiteteve kanë probleme me drejtësinë, por akoma vazhdojnë të lektojnë në këto institucione.
Studentët edhe pse po mbyllet ky vit ende nuk i janë alokuar bursat e tyre edhe pse me meritë. E dimë se këto zyra kanë internet dhe ngrohja por këtë meritojnë ta kenë dhe studentët.
Do vijojmë të kërkojmë mensat publike si një e mirë publike që vjen në dobi të uljes së kostove të studentëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
