Në seancën e sotme në GJKKO për dosjen “Partizani” avokati i Sali Berishës, Genc Gjokutaj ka kërkuar që kryeministri Edi Rama të pyetet si dëshmitar. Gjokutaj argumenton se kryeministri Rama është dëshmitar kyç sepse ndryshoi destinacionin e pronës.
Genc Gjokutaj:
"Cila është gjeneza e këtij procesi, çfarë përmban ky proces? Hetimi dhe shqyrtimi gjyqësor, mjetet proceduriale në një gjykim të pavarur do ishte në zbulimin e të vërtetës. Është kryer vepra penal dhe cila ka qenë pasoja. E nderuar gjykatë nuk e keni të lehtë detyrën. Nuk ka lidhje asnjë provë apo akt, me shkelje të kryera nga Berisha. Kërkojmë të thirren si dëshmitar shtetasit e kërkuar nga Prokuroria.
Gjithashtu të thirren: Edi Rama, kryeministri i Shqipërisë, atë kohë kryetar bashkie, person kyç që SPAK s’e ka thirrur, që ka përpiluar bazën ligjore ta kthej nga klub sportiv në shesh ndërtimi. Pa vendimin e tij ne s’do ishim sot këtu.
Kërkojmë të dëshmojë Besmir Karanxha, aktivist i PS në zgjedhje që paguhet për të hetuar kryetarin e opozitës".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
