Një aksident i rëndë rrugor ka ndodhur në orët e para të së dielës në qytetin e Durrësit. Një i ri ka aksidentuar me mjetin e tij dy këmbësorë në rrugën “Aleksandër Goga”, dhe për pasojë ka humbur jetën tragjikisht në vendgjarje një grua 53 - vjeçe, ndërsa një person tjetër është dërguar me urgjencë në Spitalin Ushtarak në Tiranë.
Sipas të dhënave të Policisë së Shtetit, 25 - vjeçari Klejvi Maliqi ka përplasur me automjetin e tij, tip “Benz”, shtetasen 53 vjeçare me inicialet D.D, duke i shkaktuar vdekjen e menjëhershme, dhe shtetasin 49 - vjeçar A.B, aktualisht ende në rrezik për jetën. Në momentin e ndalimit rezulton gjithashtu se Maliqi kishte konsumuar alkool në masën 0.45 mg/liter.
Aktualisht Maliqi do të duhet të përballet me dy vepra penale të vëna në adresë të tij nga ana e Prokurorisë së Rrethit Gjygjësor Durrës: Shkelja e rregullave të qarkullimit rrugor dhe drejtimi i automjeteve në mënyrë të parregullt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
