Një vit nga vendosja e tarifës 100% mbi mallrat sebre dhe ato të Bosnje e Hercegovinës, kryeministri në detyrë i Kosovës, Ramush Haradinaj, thotë se vendi i tij ka fituar.
Në një postim në Facebook, Haradinaj shkruan se qeveria e re tashmë e ka të tejkaluar presionin taksë, pasi atë presion për një vit e ka mbajtur qeveria në ikje.
“E kemi bartur ne presionin, duke i thënë jo, çdo skenari të dëmshëm për dobësim. Efekti “taksë” ka dhënë frytet e saj edhe në forcimin politik të vendit, siç ka dhënë efekt përplasja dhe kundërshtimi i vazhdueshëm i ndarjes së Kosovës”, ka shkruar ai.
Haradinaj i ka quajtur argatë të Serbisë së madhe ata kanë bërë presion për të hequr taksën.
“Këtë fakt, duhet ta shfrytëzojmë të gjithë, në mbrojtje të Kosovës dhe jo interesave të argatëve dhe shpirtrave të shitur!”, shkruan Haradinaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
