RMV- Kandidati i Bashkimit Demokratik për Integrim (BDI) Zekirja Shahini është qëlluar me armë zjarri pasditen e sotme në qytetin e Kumanovës.
BDI, përmes një deklarate zyrtare bën me dije se persona të maskuar kanë zënë në pritë kandidatin 43-vjeçar dhe bartësin e listës së këshilltarëve të kësaj force politike në Likovë.
Jemi të shqetësuar nga sulmi i armatosur ndaj kandidatit tonë dhe bartësit të listës në komunën e Likovës, i cili u qëllua nga persona me maska dhe u plagos. Fatmirësisht, jeta e tij është jashtë rrezikut dhe ai po merr kujdesin e nevojshëm mjekësor.
Ne dënojmë ashpër këtë akt barbar dhune dhe kërkojmë nga Ministria e Punëve të Brendshme dhe Prokuroria Publike të reagojnë menjëherë, me transparencë të plotë dhe me vendosmëri, për të identifikuar, arrestuar dhe sjellë para drejtësisë autorët e këtij atentati.
Personi qëlloi ndaj 43-vjeçarit dhe mbante një maskë. Ai u largua me vrap nga vendi i ngjarjes.
Mediat në RMV raportojnë se Shahini ndodhet jashtë rrezikut për jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
