Kancelarja gjermane, Angela Merkel, shpreson të ketë përparim në hapjen e negociatave për anëtarësim me Maqedoninë e Veriut dhe Shqipërinë me Bashkimin Evropian në Samitin e Zagrebit në maj.
“Samiti për Ballkanin Perëndimor, që do të mbahet në Zagreb është punë shumë i rëndësishëm për shkak të problemeve me fillimin e negociatave me Maqedoninë e Veriut dhe Shqipërinë. Shpresojmë se në Samitin e BE-së dhe vendet e Ballkanit Perëndimor do të arrihet përparim në atë fushë”, theksoi Merkeli pas takimit me kryeministrin kroat, Andrej Plenkoviç.
Kancelarja gjermane u shpreh pro çeljes së negociatave me të dy vendet njëherazi, si me Maqedoninë e Veriut, ashtu edhe me Shqipërinë: “Shqipëria ka plotësuar shumë kërkesa që i kishim vendosur. Sidomos procesin e vetingut dhe tani ka ardhur koha që të çelen negociatat”, tha ajo.
Edhe kryeministri kroat u shpreh optimist për Samitin e BE-së që do të mbahet më 5 dhe 6 maj. “Ky Samit do të japë perspektivë reale në marrëdhëniet e BE-së me vendet fqinje, që të dimë se me çfarë dinamike lëvizin këto vende drejtë anëtarësimit”, ka thënë ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
