Koreja e Veriut ka lëshuar një raketë balistike të dyshuar ndërkontinentale (ICBM), raportojnë zyrtarët japonezë dhe koreano-jugorë. Raketa me rreze të gjatë fluturoi për më shumë se një orë përpara se të ulej pranë ujërave japoneze të mërkurën në mëngjes. Nisja e Phenianit vjen pasi ai kërcënoi me hakmarrje ndaj, siç tha, inkursionet e fundit të avionëve spiun amerikan mbi territorin e tij. Në fillim të kësaj jave ajo kërcënoi se do të rrëzonte avionë të tillë. Uashingtoni i ka hedhur poshtë akuzat, duke thënë se patrullimet e tij ushtarake janë në përputhje me ligjin ndërkombëtar. Shqetësimet e sigurisë janë rritur në gadishull këtë vit pasi Koreja e Veriut testoi armë të reja. Vendi kreu gjithashtu një numër rekord lëshimesh raketash në vitin 2022, duke përfshirë ato të afta për të arritur në territorin amerikan. Si përgjigje, SHBA dhe Koreja e Jugut kanë shtuar stërvitjet e tyre të përbashkëta ushtarake rreth gadishullit. Pheniani deri më tani ka vazhduar me lëshimet e tij të raketave - testimin e një ICBM të ri në prill , të cilin e përshkroi si raketën e tij "më të fuqishme" deri më tani. Ai gjithashtu u përpoq të lëshonte një satelit spiun në maj, i cili dështoi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
