Ministria e Shëndetësisë në Maqedoninë e Veriut raportoi sot për pesë pacientë të vdekur dhe 159 të infektuar me koronavirus brenda 24 orëve.
Rastet e reja të të infektuarve dalin pas testimit të 2018 mostrave.
Si pasojë e komplikimeve me Covid-19 jetë kanë ndërruar 5 pacientë. Një pacient nga Shkupi (61), dy pacientë nga Dibra (43 dhe 86), një pacient nga Kërçova (62) dhe një pacient nga Demir Hisari (70).
Instituti i Shëndetit Publik brenda 24 orëve ka regjistruar 212 pacientë të shëruar.
Sipas të dhënave të fundit, numri i personave të vdekur me sëmundjen Covid-19 ka arritur në 590.
Që nga fillimi i pandemisë, në Maqedoni janë diagnostikuar gjithsej 14163 persona me Covid-19. Prej tyre, 10,933 pacientë janë shëruar.
Ndërkaq, numri i rasteve aktive është 2640.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
