Presidenti i Ukrainës, Volodymyr Zelensky, ka mbërritur në Japoni, ku do të takohet me liderët botërorë në samitin e G7 në Hiroshima. Presidenti ukrainas pritet të ketë takime dypalëshe me krerët e “Grupit të Shtatë” shteteve.
Presidenti i SHBA Joe Biden është “gati” për ta takuar atë, sipas Këshilltarit të Sigurisë Kombëtare Jake Sullivan.
"Unë mendoj se është një bast i sigurt që Presidenti Biden do të takohet me të," u tha Sullivan gazetarëve në Hiroshima të shtunën në mëngjes me kohën lokale.
Ai shtoi se nuk kishte një njoftim zyrtar për një takim për të ndarë në këtë moment, por se Biden "pret me padurim mundësinë që të jetë në gjendje të ulet ballë për ballë" me Zelensky.
Sullivan nuk dha detaje mbi udhëtimin e Zelensky në Japoni, por tha se SHBA-ja "nuk ishte pala - vendi - që e çoi atë këtu".
Kryeministri i Japonisë Fumio Kishida gjithashtu konfirmoi pjesëmarrjen e Zelensky.
Kishida tha në një deklaratë të Ministrisë së Punëve të Jashtme se qeveria e Japonisë ka vendosur të mbajë një seancë për Ukrainën me liderët e G7 të dielën, që është dita e fundit e samitit.
“U mor vendimi për të mbajtur një seancë për Ukrainën me liderët e G7, me pjesëmarrjen ballë për ballë nga Presidenti Zelensky”, thuhet në deklaratë. “Presidenti Zelensky do të marrë pjesë gjithashtu si i ftuar në seancën për paqen dhe stabilitetin me krerët e shteteve dhe qeverive të G7 dhe liderët e vendeve të ftuara”.
Deklarata konfirmoi se Kishida dhe Zelensky gjithashtu planifikojnë të mbajnë një takim dypalësh të dielën.
Kishida përsëriti se "situata në Ukrainë" është një nga pikat kryesore të axhendës së Samitit të Hiroshimës së G7 dhe se "është e rëndësishme të pasqyrohet zëri i Ukrainës".
Vetë Zelensky ka postuar në Twitter për "takime të rëndësishme me partnerët dhe miqtë e Ukrainës" pas mbërritjes së tij në Japoni, ku ai pritet të bashkohet me liderët botërorë që marrin pjesë në samitin e G7 në Hiroshima.
"Japoni. G7. Takime të rëndësishme me partnerët dhe miqtë e Ukrainës. Siguria dhe bashkëpunimi i zgjeruar për fitoren tonë. Paqja do të bëhet më e afërt sot," shkroi Zelensky në Twitter.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
