Trembëdhjetë persona kanë gjetur vdekjen si pasojë e dhunës së bandave në katër ditët e fundit në Porto Velho, kryeqyteti i shtetit Rondonia në Amazonën braziliane, ku anëtarët e bandave janë përleshur me policinë, duke rritur shqetësimin për fuqizimin e grupeve kriminale në zonë.
Tetë persona u vranë në sulmet e bandave kriminale dhe pesë të tjerë humbën jetën në përleshjet me policinë që nga mëngjesi i së martës, sipas departamentit të sigurisë në Rondonia.
Kriminelët i vunë flakën 20 autobusëve, shumica e të cilëve u përkisnin shkollave, për të protestuar kundër hakmarrjes së policisë.
Sulmet i shtynë autoritetet të kufizojnë orarin e funksionimit të transportit publik dhe të caktojnë shoqërime policore në autobusët e qytetit.
Kriza bëri që qeveria federale të dërgonte trupa të forcave kombëtare të sigurisë publike në Rondonia për të ndihmuar policinë e shtetit të frenonte valën e dhunës për të paktën 90 ditë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
