Një 6-vjeçar, gjatë një shëtitjeje me prindërit e tij, në jug të Izraelit, zbuloi një pllakë balte 3 500-vjeçare, të përshkruar nga arkeologët si unike.
“Familja po shëtiste pranë fshatit Re’im në jug të Izraelit në mars, kur djali vuri re një pllakë të vogël argjile katrore me gdhendje të dy personave mbi të”, njoftoi Autoriteti Izraelit i Antikitetit.
Familja më pas ia dorëzoi artefaktin autoriteteve.
Pllaka tregon një ushtar të veshur me një fund me rrip, i cili shtyn një skllav të zhveshur, krahët e të cilit janë të lidhura pas shpinës, që sipas autoriteteve, artisti ka dashur të tregojë poshtërimin e skllavit.
Autoritetet izraelite thanë se zbulimi do të ndihmonte për gërmimet në qytetin e vjetër mijëvjeçar Yerza.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
