Paralajmërimi i Erdoganit: Asnjë europian nuk do të ecë i sigurt në rrugë

“Europianët nuk do të mund të ecin nëpër rrugë të sigurt nëse vijojnë të mbajnë të njëjtin qëndrim ndaj Turqisë”.

Ky është paralajmërimi i presidentit turk, Erdogan, pas përplasjeve diplomatike të ditëve të fundit me Gjermaninë dhe Holandën.

“Nëse Europa vijon kështu, asnjë europian në asnjë pjesë të botës nuk mund të dalë i sigurt në rrugë”, u ka thënë Erdogan gazetarëve në Ankara.

 “Ne si Turqi i bëjmë thirrje Europës të respektojë të drejtat e njeriut dhe demokracinë.

Pak ditë më parë, Gjermania dhe Holanda ndaluan zyrtarët turq që bënin fushatë në mbështetje të  referendumit të prillit me anë të të cilit pritet që t’i shtohet pushteti presidentit turk.  

Në përgjigje të këtyre masave, Erdogan e quajti Holandën “mbetje e nazizmit”, ndërsa e akuzoi Gjermaninë për “veprime fashiste”.