Elizabeth May, drejtuesja e partisë së Gjelbër të Kanadasë, ka njoftuar se po tërhiqet nga posti që mbajti 13 vjet, dy javë pasi partia e saj fitoi në zgjedhjet e përgjithshme të vendit, por nuk arriti të bëjë ndonjë përparim të rëndësishëm.
"Është e rëndësishme për mua të largohem si udhëheqëse kur kemi pasur rezultate të tilla të mira. Unë mendoj se shumica e politikanëve i mbajnë pozicionet e tyre për një kohë të gjatë”, tha ajo.
Gjatë zgjedhjeve të 21 tetorit, të Gjelbrit morën më shumë se një milion vota, por kapën vetëm tre vende.
Maj, një aktivist e mjedisit, fitoi udhëheqjen e partisë në vitin 2006, pas një funksioni 17-vjeçar si drejtore ekzekutiv i Klubit Sierra. Qëndrimi i saj i gjatë me të Gjelbrit e Kanadasë, e ndihmoi atë që të jetë një nga fytyrat më të njohura në luftën e vendit kundër ndryshimit të klimës.
Ndërsa May nuk do të kryesojë më të Gjelbrit, ajo do të vazhdojë të udhëheqë një grup me tre anëtarë në parlament. Ajo gjithashtu u zotua të sjellë ndryshime "masive" dhe "transformuese" në politikën e klimës së Kanadasë në parlamentin e ardhshëm - dhe ka kritikuar shpesh politikat e kryeministrit Justin Trudeau, për të cilin thotë se janë të papërshtatshme. /The Guardian/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
