Proevropianja 43-vjeçare Kaja Kallas do të jetë kryeministrja e parë grua në Estoni. Parlamenti i hapi sot dritën jeshile qeverisë së saj të koalicionit, e cila do të betohet nesër.
Kallas i bashkohet listës gjithnjë e më të gjatë të grave udhëheqëse në vendet e Evropës Veriore si Lituania, Norvegjia, Finlanda, Islanda, Danimarka dhe Gjermania.
Kallas, ish-deputete dhe udhëheqëse e Partisë Reformiste, është në terrenin e saj. I ati është ish-kryeministri Siim Kallas, i cili ishte gjithashtu Komisioner Evropian me Barroson.
Kallas do të qeverisë në bashkëpunim me Partinë e kryeministrit në largim Juri Ratas. Qeveria e saj do të mbështetet te 59 deputetë nga 101 anëtarët e parlamentit estonez dhe ka fituar mbështetjen e 70 deputetëve në votimin e kabinetit në parlament.
Duke folur para parlamentit ndërsa shteti i vogël baltik i zonës së euros lufton kundër pandemisë Covid-19, Kallas premtoi ta "mbajë Estoninë sa më të hapur që të jetë e mundur, në mënyrë që njerëzit të shkojnë në punë, fëmijët të shkojnë në shkollë dhe aktiviteti ekonomik të vazhdojë".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
