Djali i 57-vjeçari i cili humbi jetën pak ditë pasi u dhunua nga shokët e tij në gjendje të dehur, ka reaguar në media duke treguar se çfarë ndodhi pasditen e datës 29 janar. Fatmir Sinrrapaj, është shprehur se babai tij ka patur konflikt vetëm me një nga personat që ushtruan dhunë ndaj tij, me shtetasin Ferdinand Meraj.
Sipas tij, 57-vjeçari Pelivan Sinrrapaj nuk ka ngrënë dhe nuk ka pirë me 3 të arrestuarit, dhe pasi ishte ndarë nga ta, ata e kishin ndjekur dhe e kishin goditur me shufra hekuri, çka përfundoi në vdekjen e tij.
“Babai im ka dalë për të blerë disa fruta për t’i mbjellë në shtëpinë e tij, në fshatin Qorrush të Mallakastrës. Kur është kthyer, ishte esëll, nuk kishte pirë. Babai im nuk merrej kurrë me politikë. Duke ardhur për në shtëpi, e kanë goditur me shufra hekuri 3 persona. Jo ata që kanë qenë bashkë. Ishin bashkë. Nuk pinin, e kanë ngrënë në besë dhe e kanë rrahur. Babai ka pasur konflikt më parë me Ferdinandin, nuk e di se për çfarë. Ne kërkojmë drejtësi, të gjykohet drejtë. Unë ja lë në dorë perëndisë. Unë kam shkuar vetë në polici. Do t’i shoh kamerat e sigurisë. Nuk ka qenë arsye politike”, tha djali.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
