Ministri i Mbrojtjes Aleksandar Vulin dhe delegacioni i Ministrisë së Mbrojtjes dhe Mjekësisë Ushtarake nuk u lejuan të vizitojnë Qendrën Klinike dhe Spitalore të Mitrovicës veriore, bëhet e ditur nga kabineti i tij.
Ministri i Mbrojtjes Vulin, ka reaguar ashpër pasi autoritetet kosovare i kanë ndaluar atij futjen brenda territorit të Republikës së Kosovës.
Përgjatë një vizite në Nish, derisa ka folur për gazetarët, Vulin ka sulmuar kryeministrin e Republikës së Kosovës, Ramush Haradinajn, se është një ‘gënjeshtar, shkruan Blici serb.
Këto akuza drejtuar kryeministrit Haradinaj, ai i ka bërë pasi që kreu i Qeverisë së Kosovës i kishte thënë kryeministres serbe në Poznan se nuk ishte e vërtetë që Kosova ua ka ndaluar hyrjen zyrtarëve të Serbisë.
Vulin thotë se qëndrime të tilla të Kosovës tregojnë se ata nuk i dëshirojnë serbët brenda territorit të tyre.
“Ramush Haradinaj dhe qeveria e tij edhe një herë kanë treguar se ata janë gënjeshtar, dhe që nuk dëshirojnë serbët në territorin e tyre”, tha Vulin para gazetarëve.
Ministria tha se vizita e planifikuar kishte vetëm një karakter humanitar dhe se përfaqësuesit e ministrisë me udhëheqësit e Mitrovicës së Veriut, synonin të diskutonin për përmirësimin e bashkëpunimit që institucioni kishte me ministrinë për gjashtë vitet e fundit dhe ndihmën e mëtejshme në atë qendër mjekësore në të cilën trajtohen serbët dhe shqiptarët në Kosovë. (Përgatiti Zana Beja)
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
