Ashtu si nxënësit dhe studentët që në këtë periudhë pandemie po vijojnë mësimet online, edhe akademia e Forcave të Armatosura po vazhdojnë mësimin online.
Ministrja e Mbrojtjes, Olta Xhaçka, ka publikuar një video nga puna që po zhvillohet për mësimin online për të gjitha kurset e karrierës. Mësimi po organizohet jo vetëm për forcat e armatosura në Shqipëri, por edhe për ato në Kosovë.
“Mësim online edhe në AFA! Akademia e Forcave të Armatosura po zhvillon mësimin online për të gjitha kurset e karrierës, jo vetëm me ushtarakët nga Shqipëria por edhe me ata nga Kosova”,- tha ministrja Xhaçka.
“Infrastruktura nevojshme dhe eksperienca e stafit pedagogjik lehtësojnë realizimin e plotë të programit për të gjitha departamentet, që nga ai i operacioneve, strategjisë, lidershipit/shkencave sociale e juridike. Bashkë po ia dalim”,- u shpreh ministrja Xhaçka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
