Gjykata e Hagës dënoi me 26 vjet burg ish-komandantin e UÇK-së, Salih Mustafa, për krime lufte. Ganimete Musliu, deputete e PDK-së, tha në një lidhje Skype me MCN se vendimi i sotëm dënon vetë UÇK-në. Musliu theksoi se mungesa e një reagimi nga kryeministri Kurti dhe presidentja Osmani tregon se çlirimtarët e Kosovës nuk e kanë përkrahjen e shtetit.
Vendimi për dënimin e Mustafës i rrëqethi të gjithë shqiptarët. Me këtë vendim u dënua UCK. Isha në familjen e tij dhe takova fëmijët dhe bashkëshorten. Ata i ka kalitur jeta dhe me dinjitet e krenari do ta përballojnë këtë situatë. Janë të mërzitur për padrejtësinë që u është bërë. Por ata janë krenarë për veprimtarinë e babait të tyre.
Unë kam qenë kundër kësaj gjykate. Sot u vërtetua se është gjykatë politike. Sot u dënuan për herë të dytë të gjitha ato gra e vajza, që u përdhunuan gjatë luftës.
Heshtja e tyre është shqetësim sepse tregon që çlirimtarët e Kosovës nuk e kanë përkrahjen e shtetit. Është e papranueshme që të mos ketë një mesazh mbështetës për familjen e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
