Golden Globes 2022 do mbahet pa pjesëmarrës

Golden Globes 2022 do të mbahet vetëm me një pjesë të pjesëmarrësve të tij të zakonshëm, tha të martën Shoqata e Shtypit të Huaj të Hollivudit.

Për shkak të rritjes së rasteve nga varianti i COVID-19 Omicron, shoqata do të ndryshojë planet e evenimentit. Tani, as shtypi dhe as personazhet e famshëm nuk janë të ftuar në ceremoninë e 79-të të ndarjes së çmimeve, e cila do të zhvillohet pa audiencë.

Njoftimi vjen vetëm disa ditë përpara datës së planifikuar të shfaqjes, 9 janar 2022.

Vetëm "anëtarët e përzgjedhur" do të lejohen në Globes të këtij viti dhe një numër kufizimesh shtesë do të kërkohen prej tyre, duke përfshirë vërtetimin e vaksinimit, një dozë përforcuese dhe një test negativ PCR të kryer brenda 48 orëve nga eventi.

Dhe, “nuk do të ketë tapet të kuq”, njoftoi shoqata. Të gjithë të ftuarit duhet të jenë të maskuar dhe të distancuar "në çdo moment ndërsa janë brenda sallës", tha shoqata në një njoftimi për shtyp.

Në ceremoninë e së dielës do të mungojnë prezantuesit e famshëm, megjithëse mungesa e tyre nuk ka të bëjë me COVID: Burimet thanë për Variety se asnjë I famshëm nuk ka pranuar të marrë pjesë në Globes, për shkak të polemikave të fundit të HFPA-së për diversitetin. NBC anuloi transmetimin e saj vjetor të çmimeve pasi HFPA u kritikua për akuza të lidhura me korrupsionin dhe për mungesën e anëtarëve me ngjyrë.

Gjatë programit të kësaj fundjave, shton njoftimi, nënkryetari i lartë i Byrosë së Hollivudit të Shoqatës Kombëtare për Përparimin e Njerëzve me Ngjyrë, Kyle Boëser, do të diskutojë një iniciativë pesëvjeçare të diversitetit të quajtur "Koalicioni i Reimagine". Projekti është një përpjekje bashkëpunuese midis HFPA dhe NAACP për të financuar dhe mbështetur "projekte nga artistë me prejardhje të ndryshme racore dhe etnike".