Një shënim që Albert Ajnshtajni i dha një ndërlidhësi në Tokio duke përshkruar shkurtimisht teorinë e tij mbi të lumturinë në jetë, është shitur në një ankand në Jerusalem për 1,56 milion dollarë (1,33 milion euro).
Oferta fituese për shënimin origjinal e kishte tejkaluar shumë çmimin fillestar të parashikuar prej 5 deri në 8 mijë dollarë, sipas ankandit.
“Ishte një rekord gjithëpërfshirës për ankandin e një dokumenti në Izrael”, tha zëdhënësi i fituesit Meni Chadad, duke shtuar se blerësi ishte një evropian, i cili dëshironte të mbetej anonim.
Shënim, në hotelin Imperial Hotel Tokyo, thotë në gjermanisht se “një jetë e qetë dhe modeste sjell më shumë gëzim sesa ndjekja e suksesit e lidhur me trazira të vazhdueshme”.
Oferta fillestare filloi me 2 mijë dollarë dhe shpejt mbërriti stuhia e ofertave, që e rriti çmimin me shpejtësi brenda 20 minutave.
“Unë jam shumë i lumtur që ka ende njerëz që janë të interesuar për shkencën dhe historinë dhe dërgesat e përjetshme në një botë që po zhvillohet kaq shpejt”, tha shitësi pas shitjes.
Një shënim i dytë i Ajnshtajn shkruar në të njëjtën kohë; “ku ka një vullnet, ka një mënyrë” është shitur për 240,000 dollarë.
Fizikani i njohur gjerman i famshëm për teorinë e tij të realitivitetit që ndryshoi këndvështrimin për universin, ishte në një turne leksionesh në Japoni në vitin 1922, ku fama e tij jashtë qarqeve shkencore po rritej, ndërsa ishte lajmëruar për marrjen e çmimit Nobel.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
