Një përgjigje për debatin e nxehtë të ditëve të fundit se ministrat e qeverisë Rama shkojnë me dashnoret te kompleksi "Santa Quaranta" në Sarandë është munduar ta japi edhe nipi i Klement Balilit.
Për këto akuza ka reaguar për herë të parë, nipi i të ashtuquajturit “Escobari Ballkanit”, një nga personat më të kërkuar nga policia.
Duke folur për “News 24”, Rigers Balili thotë se nuk ka asnjë dijeni që ministra apo deputetë të kenë shkuar te “Santa Quaranta”.
“Nuk kam parë asnjë ministër apo deputet me femra në kompleks. Ministri Ahmetaj erdhi vetëm kur u inaugurua kompleksi. Manjani, i vetmi ministër që frekuentonte kompleksin. Manjani vinte në kompleks me familjen e tij.
Gjithë verën e kaloi te Santa Quaranta. I kemi të gjitha filmimet e para dy muajve. Prej dy muajsh, serveri është me defekt, nuk punon”, shprehet ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
