Këngëtarja rikthehet si prezantuese, ja kush do ta drejtojë Festivalin e Këngës në RTSH

Ka konkurruar për vite me radhë në Festivalin e Këngës, madje edhe ka përfaqësuar Shqipërinë në Eurovizion. Por kësaj radhe kthehet si prezantuese. Festivali i Këngës në RTSH do të rikthejë në skenë këngëtaren Ledina Çelo. Lajmin e bën të ditur “revistawho.com”, e cila u referohet burimeve pranë TVSH-së.  

Të njëjtat burime bëjnë me dije se artistja nuk do të jetë thjesht një moderatore, por një “showgirl” në të gjitha kuptimet. Mësohet se Ledina nuk do të jetë vetëm në skenë gjatë netëve të kompeticionit më të rëndësishëm muzikor në Shqipëri. Partneri i saj është një emër i njohur shqiptar, i famshëm edhe jashtë vendit në fushën e kinematografisë. Ledina Çelo është një nga zërat më të mirë shqiptarë.