Partia politike pro-ruse dhe euroskeptike "Platforma e opozitës për jetën", e mbështetur hapur nga Moska, është ndaluar zyrtarisht të veprojë në Ukrainë pasi shihet si kërcënim ndaj sovranitetit të vendit.
Këtë lajm e ka bërë të ditur në Facebook, ministri i Drejtësisë së Kievit, Denys Maliouska.
Gjykata ka ndaluar veprimtarinë e partisë politike "Platforma e opozitës për jetën”.
Maliouska saktësoi se drejtësia ukrainase ka vendosur që të gjitha pronat, fondet dhe asetet e tjera të kësaj partie t’ia transferojë shtetit.
Vendimi pritej pasi presidenti ukrainas Volodymyr Zelensky nxori një dekret që ndalonte partinë më 14 mars, pasi filloi pushtimi rus.
Në total, dhjetë parti politike pro-ruse, aktivitetet e të cilave synojnë të minojnë sovranitetin e Ukrainës preken nga vendimi i drejtësisë ukrainase të shpallur sot.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
