Gazetari Robert Papa, deklaratën e Kryeministrit Edi Rama në Kongresin e Partisë Socialiste, ku i kërkoi SPAK që të hetojë ish-Kryeministrin Sali Berisha, e krahasoi me Enver Hoxhën.
Duke folur për MCN Tv, Papa deklaroi se Edi Rama ndërhyn te mekanizmat e drejtësisë, duke thënë se prangat janë shumë afër tij me inceneratorët, dhe shumë afër Veliajt.
Me këtë gjuhë flasin vetëm regjimet autokratë, gjysmë diktatoriale ose diktatoriale. U caktuan tre sekretarë të rinj tha. Ai është në një lloj euforie e quan sukses që do të legalizojë kanabisin qoftë edhe për përdorim mjekësor. Rama mban kongres, paralelja është me Fidel Kastron që fliste 4-5 orë në Kongreset e partisë. Nuk është rastësi që falënderoi Gramoz Ruçin, ministrin e Ramiz Alisë, vazhdon të ruajë vazhdimësinë e Partisë së Punës.
I pyetur nëse duhet të pranohet që SPAK të qëndrojë në heshtje, kur akuzohet një ish-Kryeministër, sipas tij gjithçka bëhet për të ndaluar Berishën.
Është më tepër dënim politik ndaj Berishës, mendoni se drejtues që vijnë para ’'0-ës do ta kishin falur Berishën. Ka dhe një prapavijë për ti thënë Berishës ndalo, mos shko më tej. Është akuzuar për non grata, procesi i DASH për non grata është shumë misterioz nga zyra shumë të ulëta. Nuk kam dëgjuar që Kim të thotë arrestoni Berishën. SPAK duhet ta nisë me çdo ish-Kryeministër, edhe këtë aktual. Askush nuk duhet të ketë imunitet nëse ka vjedhur, shkelur ligjin. Kjo që po bën Rama është luftë politike. Shfrytëzon platformën e partisë së punës për ti bërë presion SPAK.
Lidhur me deklaratën e Ramës se drejtësia po ha majtas, Papa tha se nuk ka ngjyrë korrupsioni dhe se Edi Rama është super i korruptuar dhe se nuk ndalet te Alqi Bllako, por se korrupsioni shkon te Engjëll Agaçi, Arben Ahmetaj dhe Edi Rama.
Nuk ka përgjegjësi individuale në qeveri, aq më tepër në Shqipëri nuk kanë shans që PPP-të, koncesionet mos të kalojnë në hallkat e mëdha, koha kur janë dhënë koncensionet në kohën e zgjedhjet. A do duan vendet e mëdha si SHBA që vendi të drejtohet nga një Lukashenko? Aktualisht Shqipëria nuk është vend demokratik real.
Përplasjen e fundit mes Presidentit Ilir Meta dhe kryebashkiakun Erion Veliaj, ai tha se pavarësisht se kush është Presidenti ai është Presidenti dhe figura e tij respektohet.
Kryetari i bashkisë është forcë minore, Veliaj ndihet i nervozuar nga prangat e SPAK për inceneratorët, ndjen që dhe Rama po e sheh si njeri pa nivel. Është i mbështetur nga segmentë të caktuar të Soros. Kërkon t’u shmanget akuzave për korrupsion dhe do të duhet si lider. Aq më tepër që kemi shembuj mediokër si nga e majta dhe e djathta Veliaj dhe Basha, duhet të largohen me votë. Tashmë duket shumë i fortë ndaj Metës, ndaj të cilit duket që është përkulur deri në tokë. Një kryetar bashkie nuk mund të bëjë luftë me Presidentin. Kjo tregon anormalitetin politik në Shqipëri. Nuk po e ka atë mbështetjen e madhe të Yuri Kim.
Pyetjes nëse Ilir Meta po synon drejtimin e opozitës shqiptare, i’u përgjigj me fjalët se politika është matematikë dhe se nuk mund të jetë kryetari i opozitës dikush që ka 7% të votave, teksa shprehu bindjen se kryetari i takon Partisë Demokratike.
Opozita e ka liderin e saj, Meta mund të rihyjë në politikë ose të bëjë zgjedhjen e Bamir Topit të dalë në ekrane. Por duhet të bëjë kujdes se nga President të kthehesh në kryetar partie nuk ka sens. Kthejeni dhe Moisiun. Shqipëria ka nevojë për gjëra normale! Më fisniku nga të gjithë është Nano, u tërhoq, gabimi i tij i jetës, afrimi i Ramës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
