Gazetari Besmir Pula në një raportim nga liqeni i Bovillës për MCN Live foli për një “ndotje kolosale” në ujëmbledhës.
Duke cituar një komunikim me drejtorin që menaxhon ujëmbledhësin, gazetari tha që ai u shpreh se bëhet fjalë për turbullira të shkaktuara nga shirat.
“Në liqenin e Bovillës ku një pjesë e konsiderueshme është e mbingarkuar me mbetje të pafundme plastike, bidona plastike, një ndotje kolosale. Kam arritur të mësoj përmes burimeve në UKT që kjo situatë është e përsëritur sa herë ka shira të dendur. Janë përpjekur të flasë edhe me drejtorin që menaxhon liqenin e Bovillës, i cili shprehimisht është shprehur se ‘nuk e quajmë ndotje, por kur vijnë shirat sjellin turbullira. Kemi punonjës që i heqim, por mbetjet plastike s’na ndikojnë sepse ne e marrim ujin në thellësi’. Ruhet nga siguria private, roje private. Kam komunikuar edhe me drejtorin e përgjithshëm të UKT, që në një linjë me drejtorit e ujësjellësit të Bovillës tha që janë ndotje që vijnë për shkak të ujërave, kur ka rrebeshe shiu”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
