Partia Demokratike ka nisur një protestë sot para Kryeministrisë kundër mbylljes së TikTok. PD ka marrë dy orë leje për zhvillimin e protestës, ndërsa janë marrë masa për blindimin e Kryeministrisë.
Vetëm një grup të rinjsh, të udhëhequr nga kreu i FRPD Besart Xhaferri u nisën nga selia blu për t’iu bashkuar protestës para Kryeministrisë.
Sali Berisha, Flamur Noka, Gazment Bardhi e Edi Paloka iu bashkuan të rinjve demokratë për protestën për mbylljen e TikTok.
Kryetari i të rinjve demokratë, Besart Xhaferri shprehet se mbyllja e TikTok nuk bëhet për sigurinë e fëmijëve, por për qëllime elektorale të Edi Ramës.
Mbyllja e TikTok nuk ka për të ndihmuar asgjë te rinia. Do të ndihmojë vetëm Ramën. Nuk do të jetë për sigurinë e shkollave por vetëm për sigurinë elektorale të Ramës. Nëse vazhdojmë me idenë se protesta nuk arrin kurrë sukses, i bie të mos bëjmë kurrë protesta. E gjithë rinia shqiptare të mësojë nga rinia serbe.
Ndërsa kreu i grupit parlamentar të PD, Gazment Bardhi, në fjalën e tij u shpreh se Rama do të bëjë gjithçka që që të mbyllë sa më shumë hapësira lirie ku qytetarët dhe opozitarët të mos kenë mundësi të shprehen.
Protestë e thirrur nga të rinjtë e FRPD dhe e mbështetur nga kreu i PD dhe strukturat. Akti i mbylljes ë TikTok nuk ka të bëjë me arsyet e shpallura publikisht nga qeveria por me tentativën për të vendosur censurën në vend. Jemi në protestë sot në mbështetje të çdo të riu që lirinë e fjalën e ka prezumuar si diçka që nuk preket. Në 2021 Rama përdori trukun e mbylljes së kufijve që të mos lejonte votën e emigrantëve. Edhe këtë herë do të bëjë gjithçka që të mbyllë sa më shumë hapësira lirie ku qytetarët dhe opozitarët të mos kenë mundësi të shprehen.
Sekretari i Përgjithshëm i PD Flamur Noka, në fjalën e tij nga protesta e opozitës, u shpreh se kryeministri Edi Rama do të ngelet në histori si armik i fjalës së lirë shqiptarëve.
Rama ka panik nga fjala e lirë. Komisioni i censurës me në krye Bracen këtë qëllim kishte. TikToku aplikacioni më i pa kontrolluar nga qeveria ku i çirret maska Ramës. Meqë dështoi me komisionin po përpiqet të bëjë censurën e TikTok. Do të ngelet në histori si armik i fjalës së lirë dhe shqiptarëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
