Ekstradohet nga Britania Avni Metra, shqiptari i dënuar për vrasje. Ekstradimi i 53-vjeçarit nga Burreli, në kërkim ndërkombëtar për vrasje, është bërë i mundur falë bashkëpunimit të Interpol Tiranës me homologët në Londër.
“Avni Metra , 53 vjeç, lindur në Burrel, me shtetësi shqiptare dhe i identifikuar edhe me pasaportë angleze lëshuar në gjeneralitete si Avdul Mekra, 53 vjeç, lindur në Gjakovë. Ky shtetas është dënuar nga Gjykata e Rrethit Tiranë me Vendim Nr.107 datë 12.02.2001 me 25 vjet burg për kryerjen e veprës penale " Vrasje me paramendim e kryer në bashkëpuinim " 2 herë dhe " Mbajtje pa leje të armëve luftarake“ parashikur nga nenet 78 - 25 dhe 278/2 të Kodit Penal. Shtetasi i mësipërm iu dorëzua patrullës së Policisë së Drejtorisë së Përgjithshme të Burgjeve”, thuhet në njoftimin e policisë.
Metra ka qenë disa herë në vëmendjen e mediave britanike për shkak të shyrtimit nga gjykata të ekstradimit të tij, pasi kishte qëndruar për 18 vite në mënyrë të paligjshme në Britani me identitet të rremë . Avni Metra shkoi në Britani një vit pas vrasjes së dy vëllezërve në vendlindjen e tij. Ai është dënuar në mungesë për dy vrasjet dhe posedimin e armëve të zjarrit.
Vrasja për të cilat akuzohet Metra ka ndodhur në vitin 1997 në Burrel. Ai mundi të shkonte në Britani si refugjat i rremë.
Shqiptari ka kundërshtuar vazhdimisht ekstradimin, me pretendimin se do të përballet me një gjykim të padrejtë në Shqipëri dhe se rrezikohej nga gjakmarrja.
Gjykatësi i Gjykatës së Magjistraturës ka argumentuar se jeta e tij në Britani është e “bazuar në një gënjeshtër”.
Metra, i cili jetonte në Borehamwood, Hertfordshire, është arrestuar nga detektivët e Scotland Yard më 8 qershor, si ai e dëboi me Watford, pas një video të realizuar në shtëpinë e tij nga Daily Mail.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
