Nuk ka prodhuar fitues derbi i kryeqytetit. Sfida mes Tiranës dhe Partizanit u mbyll në barazim 1-1.
Një rezultat që i bën punë bardhebluve, pasi mbeten në krye të renditjes me 60 pikë, dy më shumë se të kuqtë, kur duhen edhe tre javë nga fundi.
Sa i përket ndeshjes, pjesa e parë u mbyll në barazim pa gola. Ndonëse rastet i kishin të dyja ekipet, asnjëra prej tyre nuk ia doli ta dërgonte në rrjetë. Tirana iu afrua dy herë golit me Berishën, por ky i fundit gjuajti jashtë në të dyja rastet. Ndërkohë rastet te Partizani i kishte me Da Silvën dhe Mba, por Bekaj iu mohoi golin me pritjet e tij.
Pjesa e dytë ishte një tjetër histori, teksa Partizani kaloi në avantazh në minutën e 54-t, me Da Silva, ndërsa Tirana barazoi shifrat me një supergol të Deliut në minutën e 82-të.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
