The Wall Street Journal raporton se kancelari gjerman Olaf Scholz i propozoi Presidentit ukrainas, Volodymyr Zelensy pesë ditë para sulmit nga Rusia, që të hiqte dorë publikisht nga anëtarësimi në NATO për të shmangur konfliktin, por se një gjë e tillë ishte refuzuar nga presidenti ukrainas.
Në shkrim thuhet se më 19 shkurt, Scholz i kërkoi Presidentit ukrainas që të hiqte dorë nga aspiratat e tij për t’u bashkuar me NATO-n dhe të merrte neutralitetin si pjesë e një marrëveshjeje më të gjerë sigurie në rajonin europian.
Ky pakt do të nënshkruhej nga Vladimir Putin dhe Presidenti amerikan Joe Biden dhe do të përmbante dispozita për sigurinë e Ukrainës.
Sipas informacioneve të siguruara nga Wall Street Journal, Zelensky e ka refuzuar propozimin, duke argumentuar se Vladimir Putinit nuk mund t’i besohej zbatimi i një marrëveshjeje të tillë dhe se shumica e ukrainasve ishin në favor të hyrjes së vendit në NATO.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
