Kandidati i vetëshpallur për kreun e PD-së, Fatbardh Kadilli, thotë se ka ardhur koha që demokratëve t’u thuhet e vërteta. Në studion e emisionit “Të Paekspozuarit”, Kadilli tha se nuk i përket grupit që synon të ndjekë strategjinë e deritanishme pas humbjes së zgjedhjeve.
Unë e bëra se kisha vetëdijen për çfarë po ndodhte dhe kurajën e nevojshme për ta bërë. Rruga është e vështirë. Që të ndryshosh disa gjëra që janë ngulitur në ADN e kësaj partie. Nuk e pranojmë humbjen, krijojmë autosugjestion, relaksohemi dhe kryetari rri ai që ishte. Unë nuk i përkas kësaj. Demokratëve duhet t’u themi të vërtetën, nuk u themi dot prit se mund të bëhet përsëritje zgjedhjesh. Me 59 deputetë thua kam fituar po ma vodhën.
I pyetur nga gazetarët në lidhje me mundësinë e një kandidimi fiktiv, Kadilli tha se nuk është nxitur nga askush.
Nuk më ka futur askush. Jam konsultuar vetëm më veten time dhe me familjen time.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
