Ka dështuar edhe këtë të diel përpjekja për konstituimin e Kuvendit të Kosovës.
Hekuran Murati sërish nuk i ka marrë 61 votat e nevojshme për kryetar të Kuvendit, ndërkohë që në sallë ishin 106 deputetë.
Deputetët nuk votuan as për kandidaten e Lëvizjes Vetëvendosje Arbërie Nagavci, duke e lënë sërish në ngërç situatën politike në vend.
Në vijim dështoi zgjedhja edhe e kandidatit të tretë të Lëvizjes Vetëvendosje Dimal Basha. Kreu i Parlamentit, Avni dehari ndërpreu seancën dhe njoftoi se do të vazhdojë pas dy ditësh.
Kuvendi i Kosovës i dalë nga zgjedhjet e 9 shkurtit, nuk ka mundur të konstituohet për shkak se qeveria Kurti nuk i siguron dot votat e nevojshme për të zgjedhur kryetarin.
Deputetët kanë mbajtur më shumë se 50 seanca deri më 24 gusht, por kanë dështuar ta përmbyllin atë me sukses, edhe pas ndërhyrjes së Gjykatës Kushtetuese që përcaktoi qartë se kryeparlamentari do të zgjidhej me votim të hapur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
