Reshje të dendura dëbore, AHC: Kujdes kur të udhëtoni në Rrugën e Kombit

Vendi ynë është përfshirë nga moti i ftohtë, ndërsa paralajmërohet se në orët në vijim do të ketë edhe temperatura më ekstreme.

Albanian Highway Concession, firma kontraktore e mirëmbajtjes së rrugës së Kombit, u bën apel drejtuesve të mjeteve të bëjnë kujdes gjatë udhëtimit të tyre në këtë aks dhe të respektojnë sinjalistikën rrugore.

Moti i keq që përfshirë Shqipërinë dhe reshjet e dendura të dëborës kanë qenë prezente edhe në segmentin rrugor Fan – Kolsh, pjesë e autostradës Milot – Morinë.

Aktualisht rruga është e pastruar nga dëbora dhe pa probleme në qarkullimin rrugor.

Duke u nisur nga situata e orëve të fundit dhe parashikimet për ditët në vazhdim, AHC ka marrë të gjitha masat duke rritur numrin e shërbimeve në mirëmbajtjen e “Rrugës së Kombit”.

AHC ju bën apel drejtuesve të mjeteve të bëjnë kujdes gjatë udhëtimit të tyre në “Rrugën e Kombit”:

-Kërkojme nga përdoruesit e rrugës të ecin me shpejtësi të reduktuar

-Të respektojnë sinjalistiken rrugore dhe kujdes të shtuar në tabelat elektronike dhe mesazhet që ato përcjellin.

-Të lëvizin me goma dimërore dhe të kenë në çdo rast zinxhirë në makinë

-Për çdo shqetësim apo informacion të nevojshëm mund të na telefononi

24 orë në nr jeshil 08000400