Në 28 dhjetor të vitit të kaluar emisioni Xhadat denoncoi abuzimin me çmimet në tenderin me objekt “Blerje pemë shumëvjeçare”, me fond limit rreth 2 miliardë lekë të zhvilluar nga Agjencia e Parqeve dhe Rekreacionit , institucion në varësi të Bashkisë Tiranë.
“Xhadat” kërkoj me e-mail çmimet me pakicë për të gjitha llojet e pemëve të porositura, në dy subjekte të ndryshme, si palë e interesuar për blerjen e tyre.
Nga përllogaritjet rezultoi se oferta e parë, bazuar në të njëjtat specifikime, sa i takon llojit të pemëve dhe sasisë ishte 742 milion lekë më pak se fondi limit.
Ndërsa diferenca mes fondit limit dhe ofertës së dytë ishte rreth 228 milion lekë më pak. Këto ishin çmimet me pakicë. Ndërkohë me shumicë, sipas logjikës ekonomike por dhe vetë garës që duhet të sjellin tenderat, çmimet, duhet të ishin shumë më të ulta.
Pak ditë pas këtij denoncimi, Agjencia e Prokurimit Publik në buletinin e datës 16 Janar publikoi njoftimin për anullim e këtij tenderi.
Arsyeja e Anulimit bazuar në ligjin e prokurimit publik thuhet se është:
Për shkak të rrethanave të paparashikueshme dhe objektive, nevojat ose aftësia paguese e autoritetit ose entit kontraktor kanë ndryshuar.
Kujtojmë që me të njëjtin arsyetim Bashkia Tiranë anulloi pak javë më parë dhe tenderin fiktiv për ndërtimin e rrugës Xhon Belushi me vlerë 471 milionë lekë, te denoncuar nga Belind Këlliçi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
