Në Britaninë e Madhe, dalin zbulime të reja mbi skandalin e gjakut të kontaminuar që përfshiu shumë spitale të shërbimit shëndetësor kombëtar dhe mijëra njerëz, përfshirë fëmijë, në vitet 1970 dhe 1980.
Një dokumentar i BBC-së ka mbledhur dëshmi që tregojnë se si mjekët dhe qendrat kërkimore i kanë trajtuar fëmijët si kavie, duke privilegjuar objektivat e kërkimit të tyre mbi shëndetin e pacientëve përmes administrimit të produkteve të rrezikshme të gjakut. Ndërkohë një hetim për këtë çështje është duke u zhvilluar.
Rasti doli plotësisht në dritë vetëm në vitet 2000, pas mbulimeve dhe shkatërrimit të të dhënave mjekësore.
Testimet përfshinin fëmijë me çrregullime të koagulimit të gjakut, edhe pse familjet e tyre shpesh nuk pranonin pjesëmarrjen e tyre. Shumica e fëmijëve të regjistruar tani kanë vdekur.
Dokumentet tregojnë gjithashtu se mjekët në qendrat e hemofilisë në të gjithë vendin përdorën mostra gjaku, edhe pse dihej gjerësisht se ato ishin potencialisht të kontaminuara.
Mungesa e produkteve të gjakut në Britaninë e Madhe në vitet 1970 dhe 1980 nënkuptonte që ato të importoheshin nga Shtetet e Bashkuara të Amerikës.
Donatorët me rrezik të lartë si të burgosurit dhe përdoruesit e drogës kishin furnizuar plazmën për trajtime që ishin të infektuar me viruse potencialisht fatale.
Skandali, sipas përditësimeve statistikore të një raporti të publikuar në vitin 2022, preku mijëra e mijëra hemofilikë gjatë dy dekadave të “inkriminuara”, ku më vonë u zbulua se ishin të infektuar me virusin HIV ose hepatitin C.
Me një numër tregues prej mbi 2400 vdekjesh pas marrjes së produkteve eksperimentale të administruara në atë kohë që më vonë rezultuan të kontaminuara, si Faktori VIII, i cili është treguar shumë efektiv në ndalimin e gjakderdhjes, por gjithashtu njihet gjerësisht se është i kontaminuar me viruse.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
