YouTube po sfidon Apple dhe Spotify, duke hapur një faqe kushtuar podcast-eve. Seksioni debutoi në fund të korrikut dhe është ende në fazë implementimi, siç raportohet nga faqja e specializuar 9to5Google.
Ky opsion mund të aksesohet vetëm në SHBA përmes seksionit "Eksploro" dhe përmban programe dhe kanale që tashmë kanë miliona abonentë, të tillë si The H3 Podcast ose podcast i Logan Paul, youtuber dhe ish-boksier amerikan.
Faqja aktualisht nuk është aq e sofistikuar sa platformat rivale të podcast-it. Një studim i shoqërisë analitike Cumulus i publikuar në maj zbuloi se YouTube tashmë po kalon podcast-et nga Apple dhe Spotify.
Prania e YouTube në arenën e podcast-it mund të ndryshojë shumë gjëra. Apple ishte gjigandi i parë i teknologjisë që hyri në industri, duke lançuar podcast-e në 2005. Spotify filloi ta ndiqte në 2019 me blerje teknologjike dhe marrëveshje me yjet.
Sipas një studimi nga Interactive Advertising Bureau, e gjithë industria e podcast-it tejkaloi 1 miliard dollarë në vitin 2021. Ndërsa shifrat e fundit nga Nielsen vërtetuan se transmetimi ka mundur TV kabllor për herë të parë në Shtetet e Bashkuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
