Të paktën 95 vetë janë vrarë dhe plagosën më shumë në stuhitë e ashpra të pluhurit që goditën shtetet indiane të Uttar Pradesh dhe Rajasthan.
Stuhitë të mërkurën ndërprenë energjinë elektrike, rrëzuan pemët, shkatërruan shtëpi dhe vranë bagëtitë.
Shumë prej të vdekurve po flinin kur shtëpitë e tyre u shembën pasi u goditën nga shpërthimet intensive të vetëtima.
Ndërkohë që ky fenomen natyror është i zakonshëm në Indi gjatë periudhës së verës, por një numër i tillë viktimash është i padëgjuar më parë.
Gjashtëdhjetë e katër vetë vdiqën në Uttar Pradesh, 43 prej tyre në rrethin e Agra, që është shtëpia e monumentit të Taj Mahal. Zyrtarët thonë se numri i të vdekurve mund të rritet, raporton BBC.
Qeveria e Indisë ka reaguar duke e quajtur fenomenin “një incident fatkeq” dhe ka deklaruar se familjet e viktimave do të dëmshpërblehen me rreth 6000 dollarë.
Kryeministri i vendit Narendra Modi tha se ishte i trishtuar nga humbja e jetëve.
Pronari i një hoteli në zonën që u godit nga stuhija tha se e braktisi makinën e tij pasi u hodh poshtë rrugës.
"Unë nuk kam parë një stuhi të tillë shkatërruese në të paktën 25 vjet, të gjithë ishin të frikësuar dhe po konkurronin për t'u mbuluar, pasi drunjtë dhe shtëpitë ishin duke u shkatërruar nga era, ishte një makth", tha ai për agjencinë e lajmeve AFP.
Stuhia e pluhurit gjithashtu goditi edhe kryeqytetin Delhi, të mërkurën mbrëma vonë. Qyteti gjithashtu u përfshi nga një shi i rëndë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
