Përgjegjësi i zyrës opërmbarimore në Fier ka rënë në prangat e policisë për korrupsion. Pëllumb Isufaj, 47 vjeç, u vu në pranga për korrupsion pasiv, pas një hetimi disamujor që përfundoi me dokumentimin e veprimtarisë së tij në kundështim me ligjin. 47-vjeçari kërkonte ryshfet në këmbim të mosekzekutimit të vendimeve gjyqësore.
Njoftimi i policisë
Arrestohet përgjegjësi i zyrës përmbarimore Fier për veprën penale "Korrupsion pasiv i personave që ushtrojnë funksione publike".
Në bazë të një pune disa mujore nga Sektori për Hetimin e Krimit Ekonomik e Financiar në Drejtorinë Vendore të Policisë Fier në bashkëpunim me Prokurorinë Fier, u finalizua operacioni policor i koduar "PERMBARUESI".
Si rezultat i operacionit, pas një pune të mirëorganizuar u bë i mundur arrestimi në flagrancë për veprën penale "Korrupsion pasiv i personave që ushtrojnë funksione publike" i parashikuar nga Neni 259 i Kodit Penal, i shtetasit:
-P.I, 47 vjeç, banues në Fier, me detyrë pergjegjës i zyrës përmbarimore Fier.
Ky shtetas në abuzim me detyrën i ka kërkuar ryshfet shtetasit me iniciale G.M, me qëllim për të mos ekzekutuar një vendim gjyqësor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
