Mësohen detaje të reja nga rasti i ndodhur në zonën e Golemit në Kavajë, ku një vajzë 15-vjeçare akuzon të atin për abuzim seksual.
Korrespondentja Ervina Garo raportoi për edicionin e lajmeve në MCN TV, se 15-vjeçarja nxënëse e shkollës së mesme e ka referuar rastin te psikologia.
Vajza i ka treguar se prej katër vitesh i ati ka abuzuar seksualisht vazhdimisht me të dhe se gjithçka ndodhte kur në shtëpi nuk ndodhej nëna dhe vëllezërit e motra.
Me ndihmën e psikologes e mitura iu drejtua policisë për të bërë kallëzimin përkatës.
Ka thënë se nuk ka pasur guximin të tregojë të vërtetën për shkak të frikës nga i ati se nëse do të tregonte, do vritej nga i ati, babai e ka mohuar akuzën dhe kemi dy qëndrime të kundërta.
Pretendimet e 48-vjeçarit janë se kjo ngjarje nuk ka ndodhur dhe qëndrimi është mohues dhe se gjithçka mund të jetë një ngjarje e dhënë për vajzën.
E mitura duhet t’i nënshtrohet analizave përkatëse dhe seancave me psikologë, nëse pas kësaj ngjarje ka diçka.
Çifti kishte katër fëmijë dhe jeton me qira, nuk tregohet vendndodhja e vajzës e cila në këtë moment asistohet nga psikologët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
